ಮೈಸೂರು: ಚಾಮುಂಡೇಶ್ವರಿ ವಿದ್ಯುತ್ ಸರಬರಾಜು ನಿಗಮ ನಿಯಮಿತ (ಸೆಸ್ಕ್) ಮತ್ತು ಕರ್ನಾಟಕ ವಿದ್ಯುತ್ ಪ್ರಸರಣ ನಿಗಮ ನಿಯಮಿತ (ಕೆಪಿಟಿಸಿಎಲ್) ವತಿಯಿಂದ 447.73 ಕೋಟಿ ರೂ.ಗಳ ವೆಚ್ಚದ ಪ್ರಮುಖ ಕಾಮಗಾರಿಗಳಿಗೆ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಶನಿವಾರ ಉದ್ಘಾಟನೆ ಮತ್ತು ಶಂಕುಸ್ಥಾಪನೆ ನೆರವೇರಿಸಿದರು. ಮೈಸೂರಿನ ಮಹಾರಾಜ ಕಾಲೇಜು ಮೈದಾನದಲ್ಲಿ ನಡೆದ ರಾಜ್ಯ ಸರ್ಕಾರದ ಎರಡು ವರ್ಷಗಳ ಸಾಧನಾ ಸಮಾವೇಶದಲ್ಲಿ ಈ ಕಾರ್ಯಕ್ರಮ ನಡೆಯಿತು.

ಸೆಸ್ಕ್‌ನ 408.95 ಕೋಟಿ ರೂ. ಕಾಮಗಾರಿಗಳು:
ಸೆಸ್ಕ್ ವತಿಯಿಂದ ಮೈಸೂರು ನಗರದ ನಾಲ್ಕು ವಿಧಾನಸಭಾ ಕ್ಷೇತ್ರಗಳಾದ ಕೃಷ್ಣರಾಜ (118.97 ಕೋಟಿ ರೂ.), ಚಾಮರಾಜ (125.51 ಕೋಟಿ ರೂ.), ನರಸಿಂಹರಾಜ (103.74 ಕೋಟಿ ರೂ.) ಮತ್ತು ಚಾಮುಂಡೇಶ್ವರಿ (60.73 ಕೋಟಿ ರೂ.) ವ್ಯಾಪ್ತಿಯಲ್ಲಿ 11 ಕೆವಿ ಓವರ್ ಹೆಡ್ ವಿದ್ಯುತ್ ಮಾರ್ಗಗಳನ್ನು ಭೂಗತ ಕೇಬಲ್‌ಗೆ ಮತ್ತು ಎಲ್.ಟಿ ಓವರ್ ಹೆಡ್ ಮಾರ್ಗಗಳನ್ನು ಏರಿಯಲ್ ಬಂಚ್ ಕೇಬಲ್‌ಗೆ ಬದಲಾಯಿಸುವ ಕಾಮಗಾರಿಗಳಿಗೆ ಚಾಲನೆ ನೀಡಲಾಯಿತು. ಈ ಕಾರ್ಯಕ್ರಮದಲ್ಲಿ ಉಪಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಮತ್ತು ಇಂಧನ ಸಚಿವ ಕೆ.ಜೆ. ಜಾರ್ಜ್ ಉಪಸ್ಥಿತರಿದ್ದರು.

ಕೆಪಿಟಿಸಿಎಲ್‌ನ 38.78 ಕೋಟಿ ರೂ. ಕಾಮಗಾರಿಗಳು:
ಹುಣಸೂರು ತಾಲೂಕಿನಲ್ಲಿ ಕೆಪಿಟಿಸಿಎಲ್ ವತಿಯಿಂದ 38.78 ಕೋಟಿ ರೂ.ಗಳ ವೆಚ್ಚದ ಎರಡು ಕಾಮಗಾರಿಗಳಿಗೆ ಶಂಕುಸ್ಥಾಪನೆ ನೆರವೇರಿಸಲಾಯಿತು. ಮನುಗನಹಳ್ಳಿಯಲ್ಲಿ 66/11 ಕೆವಿ, 2X20 ಎಂವಿ ಉಪ ಕೇಂದ್ರ (20.41 ಕೋಟಿ ರೂ.) ಮತ್ತು ಕಟ್ಟೆಮಳಲವಾಡಿಯಲ್ಲಿ 66/11 ಕೆವಿ, 2X20 ಎಂವಿ ಉಪ ಕೇಂದ್ರ (18.32 ಕೋಟಿ ರೂ.) ನಿರ್ಮಾಣ ಕಾಮಗಾರಿಗಳು ಒಳಗೊಂಡಿವೆ.

ಈ ಮೂಲಕ ವಿದ್ಯುತ್ ಒಳಪಡೆಯುವ ಸೌಲಭ್ಯವನ್ನು ಮತ್ತಷ್ಟು ಸುಧಾರಿಸಲು ಉದ್ದೇಶಿಸಲಾಗಿದ್ದು, ಸ್ಥಳೀಯರಿಗೆ ಉಪಯುಕ್ತವಾಗಲಿದೆ ಎಂದು ನಂಬಲಾಗಿದೆ.