ಬೆಂಗಳೂರು: ನಗರದ ೫೦೦ ಕಿ.ಮೀ. ಉದ್ದದ ರಸ್ತೆಗಳಿಗೆ ೪ ಸಾವಿರ ಕೋಟಿ ರೂ. ವೆಚ್ಚದಲ್ಲಿ ವೈಟ್ ಟಾಪಿಂಗ್ ಮಾಡಲು ಡಿಪಿಆರ್ ಸಿದ್ಧಪಡಿಸಲಾಗುತ್ತಿದೆ ಎಂದು ಉಪಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ತಿಳಿಸಿದರು. ಪ್ರಧಾನಿಗೆ ಸಲ್ಲಿಸಿದ ೧.೫ ಲಕ್ಷ ಕೋಟಿ ಅನುದಾನ ಮನವಿಗೆ ಇನ್ನೂ ಉತ್ತರ ಬಂದಿಲ್ಲ. ಬಿಜೆಪಿ ಸಂಸದರ ಕೊಡುಗೆ ರಾಜ್ಯಕ್ಕೆ ಶೂನ್ಯ ಎಂದು ಕಿಡಿಕಾರಿದರು.
ಗಾಂಧಿನಗರ ವಿಧಾನಸಭಾ ಕ್ಷೇತ್ರದಲ್ಲಿ ವೈಟ್ ಟಾಪಿಂಗ್ ಮತ್ತು ರಸ್ತೆ ಅಭಿವೃದ್ಧಿ ಕಾರ್ಯಕ್ಕೆ ಮಂಗಳವಾರ ಚಾಲನೆ ನೀಡಿ ಮಾತನಾಡಿದ ಶಿವಕುಮಾರ್, ನಗರದಲ್ಲಿ ೧,೬೫೦ ಕಿ.ಮೀ. ಪ್ರಮುಖ ರಸ್ತೆಗಳಿವೆ. ಹೊಸದಾಗಿ ೧೦೪ ಕಿ.ಮೀ.ಗೆ ವೈಟ್ ಟಾಪಿಂಗ್ ಮಾಡಲಾಗುತ್ತದೆ ಬಂದರು.
ವೈಟ್ ಟಾಪಿಂಗ್‌ಗೆ ೨೫-೩೦ ವರ್ಷ ಬಾಳಿಕೆ
ಈಗಾಗಲೇ ೧೪೮ ಕಿ.ಮೀ. ರಸ್ತೆಗಳ ವೈಟ್ ಟಾಪಿಂಗ್ ಕೆಲಸ ಕೈಗೆತ್ತಿಕೊಳ್ಳಲಾಗಿದ್ದು, ೮೩ ರಸ್ತೆಗಳಿಗೆ ೧,೮೦೦ ಕೋಟಿ ವ್ಯಯ. ೩೫೦ ಕಿ.ಮೀ. ೧೮೨ ರಸ್ತೆಗಳ ಬ್ಲಾಕ್ ಟಾಪಿಂಗ್‌ಗೆ ೬೯೫ ಕೋಟಿ. ಮುಖ್ಯಮಂತ್ರಿ ಸಿದ್ದರಾಮಯ್ಯ ೧,೧೦೦ ಕೋಟಿ ಅನುದಾನ ನೀಡಿ ೫೫೦ ಕಿ.ಮೀ. ಡಾಂಬರೀಕರಣ ಸಾಧ್ಯಗೊಳಿಸಿದ್ದಾರೆ ಎಂದರು.
ಬೆಂಗಳೂರು ಬಿಜಿನೆಸ್ ಕಾರಿಡಾರ್‌ಗೆ ದ್ವಿಗುಣ ಪರಿಹಾರ
ಕಳೆದ ಸಚಿವ ಸಂಪುಟ ಸಭೆಯಲ್ಲಿ ೧೧೭ ಕಿ.ಮೀ. ಬೆಂಗಳೂರು ಬಿಜಿನೆಸ್ ಕಾರಿಡಾರ್ ನಿರ್ಮಾಣಕ್ಕೆ ಒಪ್ಪಿಗೆ. ಬಿಡಿಎ ಕಾಯ್ದೆಯಲ್ಲಿ ದ್ವಿಗುಣ ಪರಿಹಾರ ಸಾಧ್ಯವಿಲ್ಲ ಎದುರೂ, ರೈತರಿಗೆ ಮೂರು ಪಟ್ಟು, ಟಿಡಿಆರ್ ಅಥವಾ ಎಫ್‌ಎಆರ್ ನೀಡುತ್ತೇವೆ ಎಂದು ತಿಳಿಸಿದರು. ೨೦೦೭-೦೮ರ ತೀರ್ಮಾನ ಅನುಷ್ಠಾನಗೊಳಿಸಲು ಹಿಂದಿನ ಸರ್ಕಾರಗಳು ಧೈರ್ಯ ತೋರಲಿಲ್ಲ ಎಂದರು.
ಪ್ರಧಾನಿಯಿಂದ ಅನುದಾನ ಮನವಿಗೆ ಉತ್ತರ ಇಲ್ಲ
ಮೆಟ್ರೋ ಹಳದಿ ಮಾರ್ಗ ಉದ್ಘಾಟನೆಯಲ್ಲಿ ಪ್ರಧಾನಿ ಮೋದಿಯವರಿಗೆ ೧.೫ ಲಕ್ಷ ಕೋಟಿ ಯೋಜನೆಗಳ ಅನುದಾನಕ್ಕೆ ಮನವಿ ಮಾಡಿದ್ದೇವೆ. ಮುಂಬೈ ನಂತರ ಬೆಂಗಳೂರು ಅತಿ ಹೆಚ್ಚು ತೆರಿಗೆ ನೀಡುತ್ತದೆ ಎಂದಿದ್ದರೂ ಉತ್ತರ ಬಂದಿಲ್ಲ ಎಂದರು.
ನಗರದ ೧೧೩ ಕಿ.ಮೀ. ಎಲಿವೇಟೆಡ್ ಕಾರಿಡಾರ್, ಮೊದಲ ಹಂತದ ೪೦ ಕಿ.ಮೀ. ಟನಲ್ ರಸ್ತೆ ನಿರ್ಮಾಣಕ್ಕೆ ತೀರ್ಮಾನ. ಇದರ ಬಗ್ಗೆ ಒಬ್ಬ ಸಂಸದ ಟ್ವೀಟ್ ಮಾಡಿ ಟೀಕೆ ಮಾಡುತ್ತಿದ್ದಾನೆ ಎಂದು ಕಿಡಿಕಾರಿದರು.
ಬಿಜೆಪಿ ಸಂಸದರ ಕೊಡುಗೆ ಶೂನ್ಯ
ಬೆಂಗಳೂರು ೫ ಸಂಸದರನ್ನು ಗೆಲ್ಲಿಸಿದೆ. ಹಣಕಾಸು ಸಚಿವ ನಿರ್ಮಲಾ ಸೀತಾರಾಮನ್ ಸೇರಿದಂತೆ ಒಬ್ಬರೂ ೧೦ ರೂ. ಅನುದಾನ ತಂದಿಲ್ಲ. ಜನರ ಶಿಕ್ಷೆಗೆ ತಲೆಬಾಗುತ್ತೇನೆ ಎಂದರು. ಮನಮೋಹನ್ ಸಿಂಗ್ ಸರ್ಕಾರದ ಜೆ-ನರ್ಮ್‌ನಲ್ಲಿ ಅನುದಾನ ಬಂದಿತ್ತು. ಈಗಿನ ಸಂಸದರು ಯಾವ ಯೋಜನೆಗೂ ಅರ್ಜಿ ಕೊಟ್ಟಿಲ್ಲ ಎಂದರು.
ರಾಜ್ಯಸಭಾ ಸಂಸದ ಲೆಹರ್ ಸಿಂಗ್ ಅವರೊಂದಿಗೆ ಚರ್ಚಿಸಿ, ಬೆಂಗಳೂರು ಕೊಡುಗೆಗೆ ಸೂಕ್ತ ಅನುದಾನ ಒತ್ತಾಯಿಸಲು ಹೇಳಿದ್ದೇವೆ ಎಂದರು.
೧೦ ಸಾವಿರ ಗುಂಡಿಗಳು ಮುಚ್ಚಿದ್ದೇವೆ
ನಗರದಾದ್ಯಂತ ೧೦ ಸಾವಿರಕ್ಕೂ ಹೆಚ್ಚು ಗುಂಡಿಗಳನ್ನು ಮುಚ್ಚಿದ್ದೇವೆ. ಹಿಂದಿನ ಬೊಮ್ಮಾಯಿ ಸರ್ಕಾರ ೨೦ ಸಾವಿರ ಗುಂಡಿಗಳ ಬಗ್ಗೆ ಅಫಿಡವಿಟ್ ಸಲ್ಲಿಸಿತ್ತು. ಜನರಿಗೆ ಗುಂಡಿ/ಕಸದ ಫೋಟೋ ತೆಗೆದು ದೂರುತ್ತಾ ಸಮಸ್ಯೆ ತಿಳಿಸುವ ಅಧಿಕಾರ ನೀಡಿದ್ದೇವೆ ಎಂದರು.
೧೦ ವರ್ಷಗಳಲ್ಲಿ ಸ್ಮರಿಸುತ್ತೀರಿ
ಬೆಂಗಳೂರನ್ನು ಗ್ಲೋಬಲ್ ಸಿಟಿ ಮಾಡುವ ಗುರಿ. ಮೋದಿ, ವಾಜಪೇಯಿ, ಒಬಾಮಾ ಅವರು ಶ್ಲಾಘಿಸಿದ್ದಾರೆ. ೫ ಪಾಲಿಕೆಗಳಾಗಿ ವಿಭಜಿಸಿ ಜಿಬಿಎ ರಚಿಸಿದ್ದೇವೆ. ಇದು ಐತಿಹಾಸಿಕ ತೀರ್ಮಾನ ಎಂದರು.
ಕಸ ವಿಲೇವಾರಿ, ಜಾಹೀರಾತು ನೀತಿ, ಪ್ರೀಮಿಯಂ ಎಫ್‌ಎಆರ್‌ಗೆ ನ್ಯಾಯಾಲಯ ತಡೆಯಾಜ್ಞೆ ಎದುರೂ, ನಮ್ಮ ಪ್ರಸ್ತಾವನೆ ಸಲ್ಲಿಸಿದ್ದೇವೆ ಎಂದರು.
ದಿನೇಶ್ ಗುಂಡೂರಾವ್‌ಗೆ ೨೫ ಸಾವಿರ ಮತ ಅಂತರ
ಆರೋಗ್ಯ ಸಚಿವ ದಿನೇಶ್ ಗುಂಡೂರಾವ್ ಕ್ರಾಂತಿಕಾರಿ ಬದಲಾವಣೆ ತಂದಿದ್ದಾರೆ. ಮುಂದಿನ ಚುನಾವಣೆಯಲ್ಲಿ ೨೫ ಸಾವಿರ ಮತ ಅಂತರದಿಂದ ಗೆಲ್ಲಿಸಿ. ಗಾಂಧಿನಗರದವನಾಗಿ ನಾನು ಇಲ್ಲಿಯೇ ಇರುತ್ತೇನೆ ಎಂದರು.
೬ನೇ ಗ್ಯಾರಂಟಿ: ಭೂಮಿ ದಾಖಲೆ ನೀಡುವುದು
ಹಟ್ಟಿ-ತಾಂಡಗಳಿಗೆ ‘ಎ’ ಖಾತೆ ನೀಡುತ್ತಿದ್ದೇವೆ. ಹಿಂದಿನ ‘ಬಿ’ ಖಾತೆಯಿಂದ ಸಾಲ ಸಿಗುತ್ತಿರಲಿಲ್ಲ. ಕೇಂದ್ರ ಸರ್ಕಾರ ಶ್ಲಾಘಿಸಿದ್ದೆ. ಇದು ೬ನೇ ಗ್ಯಾರಂಟಿ ಎಂದರು.
ಬೆಂಗಳೂರು ಜನತೆ ಉತ್ತಮರಾದರೂ ಮತದಾನದಲ್ಲಿ ಕಡಿಮೆ ಮಾಡುತ್ತಾರೆ. ಕಾಂಗ್ರೆಸ್ ಸರ್ಕಾರ ಬದುಕಿನ ಬದಲಾವಣೆ ತರಬೇಕು ಎಂದು ಆಕ್ರೋಶ ವ್ಯಕ್ತಪಡಿಸಿದರು.
