ರಾಜ್ಯ ಸರ್ಕಾರದ ಪ್ರಸ್ತಾವನೆ, ಮೂರು ಸ್ಥಳಗಳ ಪರಿಗಣನೆ!
ಬೆಂಗಳೂರುಕ್ಕೆ ಎರಡನೇ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ ನಿರ್ಮಿಸಲು ರಾಜ್ಯ ಸರ್ಕಾರ ಮೂರು ಸ್ಥಳಗಳ ಪ್ರಸ್ತಾವನೆಯನ್ನು ಕೇಂದ್ರ ನಾಗರಿಕ ವಿಮಾನಯಾನ ಇಲಾಖೆಗೆ ಸಲ್ಲಿಸಿದೆ.
ಮೂರು ಪ್ರಮುಖ ಸ್ಥಳಗಳ ಆಯ್ಕೆ:
- ಕುಣಿಗಲ್ ರಸ್ತೆ: ನೆಲಮಂಗಲ ಬಳಿಯ ಸ್ಥಳ (ಸುಮಾರು 5,200 ಎಕರೆ).
- ಕನಕಪುರ ರಸ್ತೆ: ಬೆಂಗಳೂರು ನಗರ ಜಿಲ್ಲೆಯಲ್ಲಿರುವ ಸ್ಥಳ (4,800-5,000 ಎಕರೆ).
- ಕನಕಪುರ ರಸ್ತೆ: ರಾಮನಗರ ಜಿಲ್ಲೆಯಲ್ಲಿರುವ ಸ್ಥಳ.
ಈ ಮೂರು ಸ್ಥಳಗಳ ಪೈಕಿ ಯಾವುದೇ ಒಂದು ಸ್ಥಳದಲ್ಲಿ ಕನಿಷ್ಠ 4,500 ಎಕರೆ ಭೂಮಿ ವಿಮಾನ ನಿಲ್ದಾಣಕ್ಕಾಗಿ ಒದಗಿಸಲು ರಾಜ್ಯ ಸರ್ಕಾರ ಸಿದ್ಧವಿದೆ.
ಹಾರೋಹಳ್ಳಿ ಹತ್ತಿರ ಹೆಚ್ಚು ಅನುಕೂಲ:
ಕುಣಿಗಲ್ ಬಳಿಯ ಹಾರೋಹಳ್ಳಿ ಹತ್ತಿರದ ಸ್ಥಳ ಗ್ರೀನ್ ಲೈನ್ ಮೆಟ್ರೋ ನಿಲ್ದಾಣದಿಂದ ಕೇವಲ 10 ಕಿಮೀ ದೂರದಲ್ಲಿದೆ, ಇದರಿಂದ ಆ ಸ್ಥಳವನ್ನು ವಿಮಾನ ನಿಲ್ದಾಣಕ್ಕೆ ಹೆಚ್ಚು ಅನುಕೂಲಕರವೆಂದು ಪರಿಗಣಿಸಲಾಗಿದೆ.
ಪ್ರಮುಖ ಸಂಪರ್ಕ ಹಾಗೂ ಮೂಲಸೌಕರ್ಯ:
- ಈ ಮೂರು ಸ್ಥಳಗಳು ಬೆಂಗಳೂರು ಸಿಟಿ ಸೆಂಟರ್‌ಗೆ 50 ಕಿಮೀ ದೂರದಲ್ಲಿವೆ.
- ರಾಷ್ಟ್ರೀಯ ಹೆದ್ದಾರಿಗಳು ಮತ್ತು ಉತ್ತಮ ರಸ್ತೆ ಸಂಪರ್ಕ ಹೊಂದಿವೆ.
- ವಿಮಾನ ನಿಲ್ದಾಣಕ್ಕಾಗಿ ಮುಕ್ತ ವಾಯುಪ್ರದೇಶದ ಅಗತ್ಯವಿದೆ, ಇದನ್ನೂ ಪರಿಗಣಿಸಿ ಆಯ್ಕೆ ಮಾಡಲಾಗುವುದು.
ಸ್ಥಳ ಪರಿಶೀಲನೆ ಬಳಿಕ ಅಂತಿಮ ನಿರ್ಧಾರ:
ರಾಜ್ಯ ಸರ್ಕಾರದ ಈ ಪ್ರಸ್ತಾವನೆ ಅನುಸರಿಸಿ, ಏರ್ಪೋರ್ಟ್ ಅಥಾರಿಟಿ ಆಫ್ ಇಂಡಿಯಾ ಅಧಿಕಾರಿಗಳ ತಂಡ ಸ್ಥಳ ಪರಿಶೀಲನೆ ನಡೆಸಲಿದ್ದಾರೆ. ಜಾಗದ ಪರಿಶೀಲನೆಯ ನಂತರ ಹಣಕಾಸು ಮತ್ತು ಕಾರ್ಯಸಾಧ್ಯತಾ ವರದಿ ತಯಾರಾಗಿ, ಕೇಂದ್ರ ಸರ್ಕಾರ ಅಂತಿಮ ನಿರ್ಧಾರ ಕೈಗೊಳ್ಳಲಿದೆ.
ಬೆಂಗಳೂರು ಮತ್ತು ದಕ್ಷಿಣ ಭಾರತದ ಏರೋಸ್ಪೇಸ್ ಹಾಗೂ ವಿಮಾನಯಾನ ಕ್ಷೇತ್ರದ ಬೆಳವಣಿಗೆಗೆ ಈ 2ನೇ ಏರ್ಪೋರ್ಟ್ ಮಹತ್ವದ ಹೆಜ್ಜೆಯಾಗಲಿದೆ.
