ಬೆಂಗಳೂರು: ಕರ್ನಾಟಕ ಮುಖ್ಯಮಂತ್ರಿ ಸಿದ್ದರಾಮಯ್ಯನವರ ವಿರುದ್ಧದ ಅರ್ಜಿಗೆ ಹೈಕೋರ್ಟ್ ನ್ಯಾಯೋಚಿತ ತೀರ್ಪು ನೀಡಿದ್ದು, ಈ ಪ್ರಕರಣ ರಾಜಕೀಯ ಕುತಂತ್ರದ ಒಂದು ಭಾಗವಾಗಿದ್ದು, ಅದಕ್ಕೆ ಬಿಜೆಪಿ ಶಾಮೀಲಾಗಿದೆಯೆಂಬ ಆರೋಪ ಕೇಳಿಬಂದಿದೆ. ಪ್ರಸಿದ್ಧ ನ್ಯಾಯವಾದಿ ಮತ್ತು ಹಕ್ಕು ಹೋರಾಟಗಾರ ರಮೇಶ್ ಬಾಬು, ಮುಖ್ಯಮಂತ್ರಿಯ ವಿರುದ್ಧ ಸಲ್ಲಿಸಲಾದ ಅರ್ಜಿಯನ್ನು ತೀವ್ರವಾಗಿ ಟೀಕಿಸಿ, ಇದು ಆಡಳಿತವನ್ನು ಅಸ್ತವ್ಯಸ್ತಗೊಳಿಸುವ ಉದ್ದೇಶದ ಹುನ್ನಾರವೆಂದು ಹೇಳಿದರು.
ರಮೇಶ್ ಬಾಬು ಅವರ ಪ್ರಕಾರ, ಈ ಅರ್ಜಿ ನ್ಯಾಯಾಂಗ ವ್ಯವಸ್ಥೆಯ ದುರಪಯೋಗದ ಸ್ಪಷ್ಟ ಉದಾಹರಣೆಯಾಗಿದ್ದು, ಸಾರ್ವಜನಿಕ ಹಿತದೃಷ್ಟಿಯಿಂದ ಇಂತಹ ಅರ್ಜಿಗಳನ್ನು ಕಠಿಣವಾಗಿ ನಿರಾಕರಿಸಬೇಕು. “ಇಂತಹ ಅಸಂಬದ್ಧ ರಾಜಕೀಯ ಪ್ರೇರಿತ ಪ್ರಕರಣಗಳನ್ನು ಕೇವಲ ವಜಾ ಮಾಡುವುದು ಸಾಕಾಗದು, ಇದಕ್ಕೆ ದಂಡ ವಿಧಿಸಿ, ಭವಿಷ್ಯದಲ್ಲಿ ಇಂತಹ ಅರ್ಜಿಗಳು ಮತ್ತೆ ಬರದಂತೆ ಕಟ್ಟುನಿಟ್ಟಾದ ಕ್ರಮ ಕೈಗೊಳ್ಳಬೇಕು,” ಎಂದು ಅವರು ಒತ್ತಿಹೇಳಿದರು.
ಈ ತೀರ್ಪಿನ ಬೆನ್ನಲ್ಲೇ ಕಾಂಗ್ರೆಸ್ ಮುಖಂಡರು ನ್ಯಾಯದ ಗೆಲುವಾಗಿ ಇದನ್ನು ಕೊಂಡಾಡಿದರೆ. ಕರ್ನಾಟಕದ ರಾಜಕೀಯ ವಲಯದಲ್ಲಿ ಈ ಬೆಳವಣಿಗೆ ದೊಡ್ಡ ಚರ್ಚೆಗೆ ಗ್ರಾಸವಾಗಿದ್ದು, ಮುಂಬರುವ ರಾಜಕೀಯ ಕುತೂಹಲಕ್ಕೆ ಕಾರಣವಾಗಲಿದೆ.
