ದೆಹಲಿ: ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರ ನೇತೃತ್ವದಲ್ಲಿ, ಖಾದಿ ಮತ್ತು ಗ್ರಾಮೋದ್ಯೋಗ ಆಯೋಗ (KVIC)ವು 2024-25 ಹಣಕಾಸು ವರ್ಷದ ತಾತ್ಕಾಲಿಕ ಅಂಕಿಅಂಶಗಳ ಪ್ರಕಾರ ದಾಖಲೆಮಟ್ಟದ ಸಾಧನೆಗೆ ಮುನ್ನೆಗ್ಗಿದೆ. ಸ್ವಾತಂತ್ರ್ಯೋತ್ತರ ಭಾರತದ ಇತಿಹಾಸದಲ್ಲಿ ಇದೇ ಮೊದಲ ಬಾರಿಗೆ ಖಾದಿ ಹಾಗೂ ಗ್ರಾಮೋದ್ಯೋಗ ವಲಯದ ಒಟ್ಟು ವ್ಯವಹಾರ ಮೌಲ್ಯ ₹1.70 ಲಕ್ಷ ಕೋಟಿ ಗಡಿ ದಾಟಿದೆ.
KVIC ಅಧ್ಯಕ್ಷ ಮನೋಜ್ ಕುಮಾರ್ ಅವರು ಈ ಸಾಧನೆಯ ಬಗ್ಗೆ ಮಾಹಿತಿ ನೀಡುತ್ತಾ, 2013-14ರಲ್ಲಿ ₹31,154.20 ಕೋಟಿ ರವರೆಗೆ ಇದ್ದ ಒಟ್ಟು ವ್ಯವಹಾರ ಮೌಲ್ಯವು 2024-25ರಲ್ಲಿ ₹1,70,551.37 ಕೋಟಿ ಆಗಿರುವುದಾಗಿ ತಿಳಿಸಿದರು. ಈ ಮಧ್ಯೆ ಉತ್ಪಾದನೆಯು 347% ಹಾಗೂ ಮಾರಾಟವು 447% ಶೇಕಡಾ ಪ್ರಮಾಣದಲ್ಲಿ ಏರಿಕೆಯಾಗಿದೆ.
ಖಾದಿಯ ಶ್ರೇಣಿಯಲ್ಲಿ ಶ್ರೇಷ್ಟ ಸಾಧನೆ:
ಖಾದಿಯ ಉತ್ಪಾದನೆ ₹811.08 ಕೋಟಿ (2013-14)ರಿಂದ ₹3,783.36 ಕೋಟಿ (2024-25)ಕ್ಕೆ ಏರಿಕೆಯಾಗಿದೆ. ಖಾದಿ ಮಾರಾಟವೂ ₹1,081.04 ಕೋಟಿ (2013-14)ರಿಂದ ₹7,145.61 ಕೋಟಿ (2024-25)ಕ್ಕೆ ಪಟಾಪಟ ಏರಿಕೆಯಾಗಿದೆ. ಪ್ರಧಾನಿ ಮೋದಿ ಅವರ ಖಾದಿ ಬಳಕೆ ಮತ್ತು ಪ್ರಚಾರದ ಪರಿಣಾಮವಾಗಿ ಖಾದಿಯ ಪ್ರಭಾವ ದೇಶಾದ್ಯಾಂತ ವ್ಯಾಪಕವಾಗಿದೆ.
ಉದ್ಯೋಗ ಸೃಷ್ಟಿಯಲ್ಲಿ ಮುಂಚೂಣಿಯಲ್ಲಿ KVIC:
KVIC ಘಟಕಗಳಲ್ಲಿ ಉದ್ಯೋಗ ಸೃಷ್ಟಿಯು ಕೂಡ ಗಮನಾರ್ಹವಾಗಿದ್ದು, 2023-24ರ 1.30 ಕೋಟಿ ಉದ್ಯೋಗಗಳಿಂದ 2024-25ರಲ್ಲಿ 1.94 ಕೋಟಿ ಉದ್ಯೋಗ ಸೃಷ್ಟಿಯವರೆಗೆ 49.23% ಏರಿಕೆಯಾಗಿದೆ.
ಮಹಿಳಾ ಸಬಲೀಕರಣ ಮತ್ತು ತರಬೇತಿ ಸಾಧನೆ:
ಗತ 10 ವರ್ಷಗಳಲ್ಲಿ 7,43,904 ಜನರಿಗೆ ತರಬೇತಿ ನೀಡಲಾಗಿದ್ದು, ಇದರಲ್ಲಿ 57.45% ಮಹಿಳೆಯರೇ ಇದ್ದರು. ಮಹಿಳಾ ಉದ್ಯಮಶೀಲತೆಯ ಉತ್ತೇಜನಕ್ಕೆ ಈ ದಿಕ್ಕಿನಲ್ಲಿ ದೊಡ್ಡ ಪಾಠವಾಗಿದೆ.
ಶ್ರಮಿಕ ವೇತನ ಹೆಚ್ಚಳ:
ಖಾದಿ ಕಾರ್ಮಿಕರ ದಿನದ ವೇತನವನ್ನು ಕಳೆದ 11 ವರ್ಷಗಳಲ್ಲಿ 275% ಹಾಗೂ ಕೇವಲ ಕಳೆದ 3 ವರ್ಷಗಳಲ್ಲಿ 100% ಹೆಚ್ಚಿಸಲಾಗಿದ್ದು, ಕಾರ್ಮಿಕರ ಜೀವನಮಟ್ಟ ಹೆಚ್ಚಿಸುವಲ್ಲಿ ಇದು ಮಹತ್ವದ ಹೆಜ್ಜೆಯಾಗಿದೆ.
ಗ್ರಾಮೋದ್ಯೋಗ ವಿಕಾಸ ಯೋಜನೆಗೆ ಬಜೆಟ್ ಜಾಸ್ತಿ:
ಗ್ರಾಮೋದ್ಯೋಗ ವಿಕಾಸ ಯೋಜನೆಯ ಬಜೆಟ್ 2021-22ರಲ್ಲಿ ₹25.65 ಕೋಟಿ ಇತ್ತು, ಆದರೆ 2025-26ಕ್ಕೆ ಅದು ₹60 ಕೋಟಿಗೆ ಏರಿಕೆಯಾಗಿದ್ದು, ಇದರಿಂದ 2.87 ಲಕ್ಷಕ್ಕೂ ಹೆಚ್ಚು ಯಂತ್ರೋಪಕರಣಗಳನ್ನು ವಿತರಿಸಲಾಗಿದೆ.
KVIC ಅಧ್ಯಕ್ಷರ ಪ್ರಕಾರ, ಈ ಸಾಧನೆಗಳು ಭಾರತದ ಆತ್ಮನಿರ್ಭರತೆಯ ದೃಷ್ಟಿಕೋನಕ್ಕೆ ಬಲ ನೀಡುತ್ತಿದ್ದು, ಭಾರತವನ್ನು ವಿಶ್ವದ ಮೂರನೇ ಅತಿದೊಡ್ಡ ಆರ್ಥಿಕತೆಯನ್ನಾಗಿ ರೂಪಿಸಲು ಸಹಕಾರಿಯಾಗಲಿದೆ.
