ಅಕ್ರಮ ಮಾದಕ ವಸ್ತು ಗಾಂಜಾ ಸಾಗಾಟಕ್ಕೆ ಯತ್ನಿಸುತ್ತಿದ್ದ ಐವರನ್ನು ಕೋಲಾರ ಜಿಲ್ಲಾ ಸೈಬರ್ ಅಪರಾಧ ಮತ್ತು ಮಾದಕ ವಸ್ತುಗಳ ನಿಯಂತ್ರಣ ಪೊಲೀಸ್ ಠಾಣೆಯ ಪೊಲೀಸರು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
ಕೋಲಾರದ ಮಾಲೂರು ರಸ್ತೆಯಲ್ಲಿರುವ ಎಪಿಎಂಸಿ ಮಾರುಕಟ್ಟೆ ಬಳಿ ಆಂಧ್ರಪ್ರದೇಶ ಮೂಲದ ಶೇಕ್ ಪಜಲುಲಾ ಪಾಷ ಅಲಿಯಾಸ್ ಫಾಸಿಲ್, ಅಬ್ದುಲ್ ಅಲಿ ಎಂಬ ಇಬ್ಬರು ಗಾಂಜಾ ಮಾದಕ ವಸ್ತುವನ್ನು ಕೋಲಾರ ನಗರದ ಸೈಯದ್ ಅನ್ಸರ್ ಪಾಷ, ಶಾಬಾಜ್ ಪಾಷ, ಸಾಕೀಬ್ ಮೊಹ್ಮದ್ರವರುಗಳು ಹೆಚ್ಚಿನ ಬೆಲೆಗೆ ಮಾರಾಟ ಮಾಡಲು ಬಂದಿದ್ದಾರೆಂಬ ಮಾಹಿತಿ ಸೆನ್ ಪೊಲೀಸ್ ಠಾಣೆಯ ಪೊಲೀಸ್ ಇನ್ಸ್ಪೆಕ್ಟರ್ ಜಗದೀಶ್ರವರಿಗೆ ಬಂದಾಕ್ಷಣ ಕಾರ್ಯಪ್ರವೃತ್ತರಾಗಿ ತಮ್ಮ ಸಿಬ್ಬಂದಿಗಳ ನೇತೃತ್ವದಲ್ಲಿ ದಾಳಿ ಮಾಡಿ ಅಕ್ರಮವಾಗಿ ಗಾಂಜಾ ಸಾಗಾಟ ಮಾಡುತ್ತಿದ್ದ ಐವರನ್ನು ಎಪಿಎಂಸಿ ಮಾರುಕಟ್ಟೆಯಲ್ಲಿ ಬಂಧಿಸಿದ್ದಾರೆ.
ಬಂಧಿತ ಆರೋಪಿಗಳಿಂದ ೨೩ಲಕ್ಷ ರೂಪಾಯಿ ಮೌಲ್ಯದ ೨೩ಕೆಜಿ ೧೦೦ಗ್ರಾಂ ಗಾಂಜಾವನ್ನು, ಎರಡು ದ್ವಿಚಕ್ರವಾಹನ, ಐದು ಮೊಬೈಲ್ಗಳನ್ನು ಕೋಲಾರ ಸೆನ್ ಪೊಲೀಸ್ ಠಾಣೆಯ ಪೊಲೀಸರು ವಶಪಡಿಸಿಕೊಂಡಿದ್ದಾರೆ.
ಈ ಕಾರ್ಯಾಚರಣೆಯನ್ನು ಕೋಲಾರ ಜಿಲ್ಲಾ ಎಸ್ಪಿ ನಿಖಿಲ್ರವರ ನಿರ್ದೇಶನದಂತೆ, ಹೆಚ್ಚುವರಿ ಜಿಲ್ಲಾ ಪೊಲೀಸ್ ಅಧೀಕ್ಷಕರುಗಳಾದ ಸಿ ಆರ್ ರವಿಶಂಕರ್ ಮತ್ತು ಹೆಚ್ ಸಿ ಜಗದೀಶ್ರವರುಗಳ ಮಾರ್ಗದರ್ಶನದಲ್ಲಿ ಕೋಲಾರ ಸೆನ್ ಪೊಲೀಸ್ ಠಾಣೆಯ ಪೊಲೀಸ್ ಇನ್ಸ್ಪೆಕ್ಟರ್ ಜಗದೀಶ್ರವರ ನೇತೃತ್ವದಲ್ಲಿ ಸಿಬ್ಬಂಧಿಗಳಾದ ಅಂಬರೀಶ, ಹಮೀದ್ ಖಾನ್, ಶಂಕರ್, ಸಂತೋಷ್, ಶಿವಾನಂದ, ಅರುಣ್, ನಫೀಜ್ ಶರಣ್ರವರುಗಳ ತಂಡ ಗಾಂಜಾ ಸಾಗಾಟಗಾರರನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
ಕೋಲಾರ ಜಿಲ್ಲಾ ಎಸ್ಪಿ ನಿಖಿಲ್ ರವರು ಕೋಲಾರ ಜಿಲ್ಲಾ ಸೆನ್ ಪೊಲೀಸ್ ಠಾಣೆಯ ಪೊಲೀಸ್ ಅಧಿಕಾರಿ ಸಿಬ್ಬಂಧಿಗಳ ಕಾರ್ಯಾಚರಣೆಯನ್ನು ಶ್ಲಾಘಿಸಿದ್ದಾರೆ.
ಗಾಂಜಾ ಸಾಗಾಟ ಮಾಡುತ್ತಿದ್ದವರನ್ನು ಬಂಧಿಸಿದ ಕೋಲಾರ CEN ಪೊಲೀಸರು…!
Subscribe Now and Never Miss an Update!
- Trending
- Comments
- Latest
