ರಾಮನಗರ: ತನ್ನ ತಾಲೂಕಿನ ಯುವಕರಿಗೆ ಉದ್ಯೋಗ, ರೈತರಿಗೆ ಬದುಕು ಕಟ್ಟಿಕೊಳ್ಳುವ ಅವಕಾಶ ಕೊಡಿ ಎಂದು ಶಾಸಕ ಕುಣಿಗಲ್ ರಂಗನಾಥ್ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಅವರಿಗೆ ಮನವಿ ಮಾಡಿದ್ದಾರೆ.
ಕೊರೊನಾ ಸಂದರ್ಭದಲ್ಲಿ ಅನೇಕರು ಆಸ್ತಿ ಕಳೆದುಕೊಂಡಿದ್ದಾರೆ ಎಂದು ಹೇಳಿದ ರಂಗನಾಥ್, ಬೆಂಗಳೂರು ಆಸುಪಾಸಿನಲ್ಲಿ ಉದ್ಯಮಿಗಳು ಜಮೀನು ಬೇಡುತ್ತಿದ್ದಾರೆ ಎಂದು ತಿಳಿಸಿದರು. “ಕಲುಷಿತ ನೀರು ಬರುತ್ತಿದೆ, ಇಲ್ಲಿ ಬದುಕಲು ಸಾಧ್ಯವಿಲ್ಲ ಎಂದು ರೈತರು ನಮ್ಮ ಬಳಿ ಹೇಳುತ್ತಿದ್ದಾರೆ. ಇದರಿಂದ ಮುಕ್ತಿ ನೀಡಿ” ಎಂದು ಅವರು ಕೇಳುತ್ತಿದ್ದಾರೆ ಎಂದು ರಂಗನಾಥ್ ಹೇಳಿದರು.
2007ರ ರೆಡ್ ಜೋನ್ಗೆ ತೀವ್ರ ವಿರೋಧ
2007ರಲ್ಲಿ ಕುಮಾರಸ್ವಾಮಿ ಮುಖ್ಯಮಂತ್ರಿಯಾಗಿದ್ದಾಗ ಈ ಪ್ರದೇಶವನ್ನು ರೆಡ್ ಜೋನ್ಗೆ ಸೇರಿಸಲಾಗಿತ್ತು ಎಂದು ಆರೋಪಿಸಿದ ರಂಗನಾಥ್, “ರೈತರನ್ನು ಅತಂತ್ರ ಸ್ಥಿತಿಗೆ ತಂದವರು ಕುಮಾರಸ್ವಾಮಿ. ಆಗಲೇ ಡಿನೋಟಿಫಿಕೇಶನ್ ಮಾಡಬೇಕಿತ್ತು. ಈಗ ವೈಯಕ್ತಿಕ ದ್ವೇಷದಿಂದ ಉದ್ಯೋಗ ಸೃಷ್ಟಿಗೆ ಅಡ್ಡಿ ಮಾಡುತ್ತಿದ್ದಾರೆ” ಎಂದು ಆರೋಪಿಸಿದರು.
“ಇಂಥ ಸಂಕುಚಿತ ಮನೋಭಾವ ಯಾವುದೇ ರಾಜಕಾರಣಿಯಲ್ಲಿರಬಾರದು” ಎಂದು ಅವರು ಹೇಳಿದರು. ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಅವರು ಮಾತುಕತೆಗೆ ಅವಕಾಶ ನೀಡಿದ್ದರೂ, ಕುಮಾರಸ್ವಾಮಿ ಅದನ್ನು ರಾಜಕೀಯಗೊಳಿಸಿ ಬೀದಿಯಲ್ಲಿ ಚರ್ಚೆ ಮಾಡುತ್ತಿದ್ದಾರೆ ಎಂದು ರಂಗನಾಥ್ ಆಕ್ಷೇಪಿಸಿದರು.
70% ರೈತರು ಟೌನ್ಶಿಪ್ಗೆ ಒಪ್ಪಿಗೆ
ತಾಲೂಕಿನ 70% ರೈತರು ಟೌನ್ಶಿಪ್ ಯೋಜನೆಗೆ ಒಮ್ಮತ ಸೂಚಿಸಿದ್ದಾರೆ ಎಂದು ರಂಗನಾಥ್ ಹೇಳಿದರು. “ಹಾಸನದಿಂದ ಬಂದು ರಾಮನಗರ ಜನ್ಮಸ್ಥಳ ಎಂದು ಹೇಳಿಕೊಳ್ಳುತ್ತಾ, ರೈತರ ಹೆಸರಲ್ಲಿ ಮುಖವಾಡ ಹಾಕಿಕೊಂಡು ಬರುತ್ತಿದ್ದಾರೆ” ಎಂದು ಎಚ್ಡಿ ಕುಮಾರಸ್ವಾಮಿ ಅವರ ವಿರುದ್ಧ ತೀವ್ರ ಟೀಕೆ ಮಾಡಿದರು.
ಈ ವಿಷಯದಲ್ಲಿ ಗೊಂದಲ ಸೃಷ್ಟಿಸುವ ಏಕಪಕ್ಷೀಯ ಪ್ರಯತ್ನ ನಡೆಯುತ್ತಿದೆ ಎಂದು ಶಾಸಕರು ಆರೋಪಿಸಿದ್ದಾರೆ.
